Rodrigues

Non zame ankor mo pou les insilté moi….. non zamé ankor mo pou les zot kompar valer mo lakord lombri et fer koir  ki ki pou zot enan plis valer ki pou moi 

 ki akoz zot dan rodrigues et moi en exil lor later etranze,  Ki mo pli inferier ou siperier… Kisisa kan mone kit rodrigues mone nepli enan okenn droit ? ni pou dir ni pou denonse ni mem pou applaudi dir bravo ? 

Depi kan mone gagne declaré persona non grata ? Eski zot inn demande ki fer mone allé ? 

Ki sakrifis mone fer ? eski zot kone ki mo lakaz  en gaz , Eski tonn zoine mo banne  fami,, , mo ser , frer, neve/ nies ki ankor dan rodrigues, 

eski tonn koz ek mo maman ki tou lezour pe met labouzi legliz ek prié ki mo rest en bne santé ek ki lor zenou gran matin tanto fer laprier pou so garson /tifi ? eski tonn koz ek mo papa kikasiet derier so fierté, enn tristes ki li mem pas pou avoue? 

Eski tonn zoine mo marenn, mo granmer ki demann mo nouvel toulezour  mais ki mo pa ine resi koz avek depi monn alé, avan to dir mo nepli enan narien pou dir ? Ki droit to enan pou deroriganiz moi ? 

Ki inn donn toi droit pou effass mo listoir akoz monn pran enn biye avyon pou vinn enn immigran ? Depi kan ? depi kan mone dir mone renons mo droit dir, denonse, aplodi, propozé ? 

En koi sa fer ki kan to lipie lor later rodrig to enan plis droit ki moi ki exil ? Ki senn la ine donn toi droit diviz pep rodriguais ? kass li en bout adir gato pistass boutey ? 

Enan kitsoz ki pli gran ki nou tou et en meme temps rassemblé nou :  La CAUSE et le FAIT rodriguais. 

Si pas rodriguais ki defann sa ki sennla pou fer li. Ki sa droit ki to enan pou deter mo lakord lombri ek kompar li ek pou toi et dir ki pou moi enan moins valer ????? 

A la mo dir : enan plis ki lipié lor later rodrigues la dan, enan tou seki monn resevwar ek montré mo zanfan, tou seki fer moi , mo lakok kouman mo laser endan, enan mo laper , mo tabou, seki fer mo leker bat vit, seki fer moi triste,  pas selman mo lakord lombri, seki fer moi kontan manier mo manze, asize, danse, koze, riye, viv,espere, seki fer mo disan bouilli,  se ki mo koir et boukou plis ankor…. Tousala fer moi rodriguais.  Ala mo redir a moins kikenn resi enleve tou sa la enn par enn   li pa kapav vinn kompar so lakord lombri ek pou moi et dir moi ki li enan plis droit pou koz lor rodrigues ek tou seki fer so lavi toulezour.